تابعونا أيضاً Facebook Instagram

٤ خطوات لتنظيم حفلة عيد ميلاد أولادك في البيت

Image: 

 

اولادنا بيكبروا بسرعة اوي و رغم ان تنظيم حفلة عيد الميلاد بتبقي مجهود كبير علي الواحد بس لما الواحد بيشوف أولادوا بيتبسطوا ازاي كل التعب ده بيروح . دلوقتي مع ارتفاع اسعار الاماكن لعمل أعياد الميلاد ، في ناس كتير بقت تفضل تعمل اعياد الميلاد في البيت . الموضوع ده هيساعدك انك تنظمي حفلة عيد ميلاد أولادك في البيت بأربع خطوات بسيطة . 

١- اختاري موضوع الحفلة :

- علي الرغم ان ممكن تحسي ان اختيار موضوع لحفلة عيد الميلاد ممكن يقيدك في الأول ، بس علي العكس هو ممكن يريحك قدام وانتي بتختاري التورته و الزينة و حاجات تانية كتير .

- مش لازم يبقي الموضوع حاجة من الشخصيات الكرتونية ، ممكن يبقي عن الحيوانات ، القراصنة أو ممكن بسهولة تختاري لون أو لونين. طبعا المفروض يبقي طفلك مشترك معاكي في أختيار الموضوع و أديله مساحته انه يبتكر و يختار اللي هو عايزه. ولو هو محتار ممكن تفرجيه حاجات اونلاين ممكن انتوا الاتنين تاخدوا افكار منها .ممكن كمان تقرأي الموضوع ده من ماما في الشغل ، هيديكي افكار كتيره ممكن تبتدي منها :https://www.facebook.com/media/set/?set=a.759536437509173.1073741834.306214326174722&type=3

 

٢- قبل ماتعزمي الناس

- اختاري اليوم و ميعاد الحفلة . طبعا يفضل تبقي الحفله في يوم اجازه و يفضل تبقي بدري.  (نصيحة : حاولي تبعدي عن الاجازات الرسميه عشان ناس كتير بتبقي مسافره وقتها )

-لازم تحددي وقت الحفلة هيستمر اد ايه ، كل ماكان أطفالك صغيريين ، كل ماالمفروض الحفله تبقي في وقت بدري و مدتها قصيره . ( نصيحة : أتاكدي ان المدعويين عارفين معاد الحفلة عشان تنجنبي تأجيل عيد الميلاد لما العدد يكتمل )
- حددي عدد المدعوين و خليكي واقعيه لأن العدد لما بيزيد اوي في حفلات عيد الميلاد في البيت ، بيبقي المكان زحمه اوي و صعب الحركه فيه. وكمان لازم تحددي من الأول اذا الحفله هتبقي للأطفال بس ولا للأهالي كمان .كنصيحه عامه ، عدد الأطفال المدعويين المفروض يبقي سن طفلك زاءد واحد . يعني لو طفلك خمس سنين ، يبقي المفروض يبقي في ٦ أطفال مدعويين في الحفلة . 

- ماتنسيش تخلي الدعوه علي شكل الموضوع اللي اخترتيه و اتأكدي انك حطتي فيها كل المعلومات ( اليوم ، الوقت ، المدة) كمان ممكن تحطي خريطة للبيت أو رقم تليفونك عشان لو حد من الأمهات عايز يسألك علي تفاصيل. ممكن الدعوات تعمليها بنفسك و تبقي نشاط ظريف تعمليه مع طفلك ، ممكن تلاقي هنا أفكار مبتكرة و  ظريفة ممكن تساعدك:http://www.designdazzle.com/2014/05/10-creative-diy-kids-birthday-party-invitations/

 و لو معندكيش وقت ،ممكن تشتري الدعوات جاهزة أو تعمليها علي الكومبيوتر و تطبعيها او تبعتيها كصوره  علي الواتس اب او الفيس بوك . ممكن تستخدمي تصميمات موجودة اونلاين زي اللي ممكن تلاقيهم علي اللينك ديه :http://www.greetingsisland.com/invitations/birthday/kids

 

٣- ترتيبات الحفلة

- طبعا لو كنتي أخترتي موضوع لحفلة عيد الميلاد ، يبقي حاولي تخلي الأكل أو علي الأقل التورته بس علي شكل الموضوع.  

-احسبي عدد المدعويين سواء كبار أو أطفال قبل البدء في تحضير قاءمة الطعام. 

- لو انتي اللي هتعملي الأكل في البيت ، أكتبي الأصناف اللي هتعمليها في ورقة و علقيها قدامك علي التلاجة مثلا و أعملي ورقة تانية بالمشتريات المطلوبة وخليها برده قدامك عشان ماتنسيش حاجة . حاولي تبتدي في تحضير الحاجة قبلها بيومين عشان متزنقيش نفسك ليلة و يوم عيد الميلاد.   

- خليكي مبتكرة في الأصناف اللي ممكن تقدميها. في أفكار سهلة جدا و بسيطه ممكن تعمليها في البيت. 

- لو هتجيبي الأكل من بره ، حطي ميزانيه لنفسك عشان متلاقيش ان الطلبات فجأة كترت أوي ، حاولي تبعدي انك تشتري حاجتك من مكان جديد عليكي ، خليكي مع حد جربتيه و حد بتثقي فيه جربه عشان تتفادي توتر انك خايفة الاكل يطلع مش كويس .

- الزينة شئ مهم جدا و بتضفي بهجة جميله علي المكان . طبعا لو كنتي مختارة موضوع للحفله ، حاولي تخلي الزينه بنفس الشكل . ولو الزينه مش متوفرة في المحلات، ممكن تعملي افكار بسيطه و جديده في البيت و يبقي برده نشاط ظريف تعمليه مع ولادك . لو عايزه افكار ، ممكن تشوفي اللينكات ديه :http://www.handmadecharlotte.com/great-tissue-paper-diys-dont-involve-nose/
http://www.topdreamer.com/diy-simple-easy-paper-party-decorations/


٤ - أنشطة خلال الحفلة

- قبل الحفله خصصي مكان واحد للعب وقت عيد الميلاد ، اتأكدي ان المكان ده يكون واسع . لو معندكيش مكان ، حاولي انك تخلفي المكان بأنك تشيلي شوية عفش من الأوده اللي هيلعبوا فيها . الوقت و المجهود اللي هتخديه انك تخلقي مكان هيبقي أقل بكتير من المجهود اللي هتحتاجيه عشان توضبي الدنيا لو سبتي الولاد يلعبوا في أي حتة . طبعآ اتأكدي ان ولادك عارفيين ان ده المكان الوحيد المسموح فيه باللعب. و برده اتأكدي ان تشيلي من البيت الحاجات القابله للكسر أو القيمه ، انتي عايزه ولادك و اصحابهم ينطلقوا يوميها و يلعبوا براحتهم من غير خوف انهم يكسروا حاجه قيمه.

- ممكن تخصصي العاب معينة بس من لعبهم اللي ممكن اولادك يلعبوا بيها وقت العيد ميلاد و شيلي بقية اللعب في مكان تاني . طبعا خلي ولادك هما اللي ينقوا اللعب ديه . لو عندك وقت ، ممكن انتي تظبطي شوية العاب بسيطة و مسليه ممكن الولاد يتسلوا فيها وقت العيد ميلاد ، ممكن تشوفي اللينك ده لشوية افكار مبتكره:http://www.activityvillage.co.uk/indoor-party-games
http://www.todaysparent.com/family/parenting/20-fun-indoor-games/

- ممكن تجيبي هدايا بسبطة او تعملي تذكارلأصحاب ولادك ياخدوا معاهم و هما ماشيين . خلي اولادك هما اللي يدوهم التذكار ده كشكر ليهم انهم حضروا عيد ميلادهم . خلي اولادك يشتركوا معاكي في عمل التذكار ده ، هتلاقي هنا افكار بسيطه و غير مكلفه لعمل تذكار مميز :http://worldinsidepictures.com/the-35-best-diy-favors-ever/

http://www.realsimple.com/holidays-entertaining/entertaining/party-ideas
 

- ما ينفعش بعد المجهود اللي انتي عملتيه ، تنسي أهم حاجة انك تصوري اولادك في عيد ميلادهم . حاولي تصوري صور جديدة و مبتكرة عشان تبقي ذكري جميله ليهم لما يكبروا . ممكن تخدي من اللينك ده شوية نصائح لصور جميلة :https://m.youtube.com/watch?v=GSXHBVIz9Ts

 

TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0

تعليقات

starroche9
Thanks for sharing your thoughts about construction. Regards



My blog identifying a damp problem and establishing itss

cause burfrd (www.gloucesterdampproofing.com)
Thu, 04/19/2018 - 07:46