تابعونا أيضاً Facebook Instagram

حوار مع ماما - د. نورهان قنديل

Image: 

حاوارتها : بتول

 

علي الرغم أنها دكتورة شاطرة و ناجحة , الا اننا بنشوف ليها متابعيين و معجبيين كتير علي وسائل التواصل الأجتماعي المختلفة . كونها أم مأثرش علي حياتها العملية , بل بالعكس كان حافز ليها أنها تتفوق أكتر علشان تبقي قدوة لبنتها . ماما في الشغل كان ليها الفرصة أنها تعمل الحوار ده مع الجميلة  د. نورهان قنديل

1- -عندك كام سنة ؟

31  سنة

2- -عندك بنوتة على طول بتطلع معاكي ع ال  Instagram ,اسمها ايه ؟

 اسمها نور .

3- عندها كام سنة ؟

سنتين و نص

4- احكيلنا عن شغلك أكتر ؟

أنا مش fashionista خالص , أنا أخترت ال social media زي مكان أعرض فيه اللي أنا بعمله لأن أنا جربت اعلانات في الشارع بس اكتشفت انها مش بتجيب نتيجة و مكنتش عاملة حسابي خالص اني هلاقي رد فعل بالشكل دة على Instagram و facebook. لقيت الناس متفاعلة عليه,فكنت بنزل صوري عادي و كنت بنام و بصحى الاقي 2000 متابع زيادة عندي . في " اليوم السابع " خدوا الصور و قالوا بقى " دكتورة الصبح و فاشنيستا بعد الظهر " لكن أنا أصلا دكتورة تغذية و مدربة صحة .

5-بعدك عن بنتك  بسبب شغلك بيحسسك بالذنب ؟

طبعا ,لو لقيتها متعلقة بحد تاني ,بانهارجدا بالذات لو المربية بتاعتها و ماما .فطبعا اه بحس بالذنب بصراحة بس اللي بيهون عليا ان لما اقعد معاها أسألها نور مامي بتشتغل ايه بتقول لي دكتورة و كمان لما بطلع في التليفزيون بتقعد تتفرج عليا .

6- بتنظمي يومك ازاي ؟

مقدرش أعيش من غير الagenda بتاعتي على طول معايا دة بيساعدني اني أنظم يومي و وقتي أكتر مش بحقق كل اللي بكتبه بس بعمل منه كتير أوي

7- ايه دور زوجك في حياتك , هل بيديكي دعم أو كدة ؟

اه طبعا , جدا وهو انسان supportive جدا و كمان بحسه فخور جدا بيا لما بنجح في حاجة مثلا بس بصراحة بحسه بيديني دعم عشان هو مشغول لأنه دكتور قلب فهو على طول مشغول لكن غير كدة هو supportive جدا جدا

8- مين مثلك الأعلى ؟ ليه ؟

من الأطباء واحدة اسمها   beautybydr.cat لأن هي دكتورة ناجحة جدا و لسة محافظة على شكلها و جسمها لحد دلوقتي.

9- ازاي بتقضي quality time مع نفسك ؟

بصي الquality time بالنسبالي هو لما بيبقى عندي وقت قبل ما أنام أني أقرأقرآن و أصلي ..... هو دة quality time بالنسبة لي , يعني أكتر حاجة بتدايقني لما أنزل مثلا الصبح و أصلي الصبح و الظهر و الباقي بسيبوا لما أرجع .... فعشان كدة بحب أبقى على طول مصلية أول بأول ... ف الquality time بالنسبة لي لما أرجع أقرا قرآن و أحط كريم مثلا و أنام لأن ساعات مش بلاقي وقت أعمل كدة .

10- بتشوفي نفسك ناجحة ؟

لا خالص , خالص , بشوف نفسي مجتهدة , بشوف نفسي ربنا وفقني , بشوف اني ذاكرت كتير أوي , حاولت , طلبت مساعدة ناس .... هقول أنا ناجحة لما ألاقي ان أنا وصلت عالميا , و أني سبت تأثير في كل حتة و عند كل الناس و بشوف باسم يوسف قدوة ليا في الموضوع دة بس الفرق اني عايزة أسيب تأثير في مجالي و مجال شغلي .

11- بتحبي أنهي شخصية أكتر الدكتورة ولا ال  fashionista ؟

لا الدكتورة طبعا .

12- ايه ال golden tip اللي بتديها للأمهات ؟

انتي أهم واحدة ... و أنا قولتها في برنامج قبل كدة ... لازم تهتمي بنفسك , اهتمي بمستقبلك , لو انتي كويسة كل الناس اللي حواليكي هيبقوا كويسين ....  ركزي انك تبقي ناجحة في عين أمك . بنتك أو ابنك أو جوزك , تبقي ناجحة في حياتك كلها .

 

 

 

 

TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0