تابعونا أيضاً Facebook Instagram

حوار مع ماما - د. نهي مجدي

Image: 

 

حاوارتها : بتول   

نهي مجدى , احدي متابعي صفحة "ماما في الشغل " و هي دكتورة بس كمان عملت مجلة أسمها " الموهوب الصغير" علشان تساعد الأطفال علي أكتشاف مواهبهم . ماما في الشغل عملت معلها حوار علشان تتعرف عليها أكتر .

   1- اسمك ايه ؟

  • نهي مجدي , أنا أصلا من اسكندرية .

      2- عندك كام سنة ؟

  • 31 سنة .

        3- عندك أولاد قد ايه ؟

  • هادي 3 سنين و نص , و هايدي سنة .

        4- بتشتغلي ايه وبقالك قد ايه بتشتغلي ؟

  • طبيبة بشرية , بقالي 7 سنين , أخدت دبلومة صحة نفسية في جامعة اسكندرية و أنا مخلفة هادي و اشتغلت في محافظة البحيرة و دلوقتي بحضر ماجستير , كمان أنا بحب الكتابة ف عملت مجلة اسمها الموهوب الصغير عشان عارفة قد ايه الطفل بيبقى مولود بموهبة عظيمة مدفونة و دلوقتي المجلة بتتباع online  في كل المحافظات .

 

         5- ازاي عرفتي " ماما في الشغل " ؟

  • عرفتها من بنت كانت عاملة جروب و حاطة فيديو انتم عاملين له share  على facebook .

     

  • 6-  ايه انطباع حضرتك عن الصفحة ؟

  • الصفحة أنا متابعاها كويس جدا و عاجبانب أوي و شدتني لأن فكرتها مختلفة و بتشجع أمهات كتير أوي انها تكمل و تشتغل و تحقق حلمها .

     

  • 7- بتنظمي وقتك ازاي ؟

  • بنظم وقتي عن طريق الagenda بتاعتي ,قبل هادي و هايدي كل حاجة كانت ماشية بالورقة و القلم , لكن دلوقتي مش قوي عشان مذاكرتي للماجستير و شغل المجلة بس على الأقل بحقق منه ولو نسبة قليلة .

     

  • 8- ايه الحاجات اللي بتعمليها عشان ولادك مايحسوش بالملل ؟

  • ماكنتش عايزة أقصر معاهم فقررت اني بدل ماشتغل طول الاسبوع بقيت بشتغل 3 أيام في الأسبوع و 3 أيام أجازة , بنجيب ورق ملون و بنقعد نلون , بنلعب بالمكعبات و بنعمل حيوانات بالورق و في رمضان اللي فات عملنا فوانيس بالورق و علقناها في أوضتنا  , هما بيحبوا المشاركة جدا .

         9- جوزك بيدعمك ؟

  • اه جدا , عنده استعداد انه يقعد مع الولاد لو عندي مشكلة أو مشوار مهم .

        10- ايه الgolden tip اللي بتديها للأمهات ؟

  • اهتمي بنفسك أولا علشانك و عشان بيتك و أولادك لأنك لما هتكوني كويسة هتقدري تعطي أكتر و تخرجي للمجتمع أطفال كويسين و أصحاء نفسيا .
TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0