تابعونا أيضاً Facebook Instagram

رحلة إلي الدكتور

Image: 
Body: 

فصل الشتا ابتدي يهل و معاه ابتدت تهل أدوار البرد. ومع أدوار البرد بتبتدي رحلاتي و جولاتي مع الدكاترة بتاعت الولاد .

وزي مايكون قلبي حاسس ، لقيت ابني شكله داخل عليه دور برد . قلت لأ مابدهاش ، أنا هاوديه للدكتور علطول عشان ألحق الدور في أوله .و خصوصا ان الامتحانات الأسبوع الجاي فلازم أسيطر علي البرد .

المشكله اني كنت تاني يوم شغل و ابني كان عنده مدرسه ، بس انا صممت و قلت معلش برده هروح .

المهم كلمت العياده ، ردت عليا الممرضه بعد عاشر محاوله (ما بين ان النمرة مشغوله او التليفون بيرن و محدش بيرد) . المهم قلتلها اني عايزه احجز مع الدكتور لتاني يوم . قالتلي حضرتك احنا غيرنا النظام و الحجز دلوقتي بقي بأولوية الحضور . قلتلها يعني ايه مفيش حجز . ردت عليا بمنتهي البرود و هي مش طايقاني ولا طايقه نفسها ، ان هو ده النظام الجديد.

ماعلينا ، قلتلها طيب مواعيد العياده امتي ؟ قلتلي العياده بتبدأ الساعه ٥ بس الحجز بيبدأ من الساعة ٤ .

الساعة ٤ ازاي ؟؟ اذا كنت انا بخلص شغل الساعة ٤ و جوزي بيخلص الساعة ٦ !! هلحق ازاي أجي أحجز .برده و هي مش طايقاني و لا طايقة نفسها ، راحت قايلالي هو ده النظام الجديد.

خلاص أمري لله، هاعمل ايه .

المهم رحت تاني يوم للشغل وأنا عماله أفكر ازاي هعرف اظبط اليوم اني أروح الدكتور . مالقتش حل غير أني أستأذن ساعه بدري من الشغل . و فعلاأستأذنت بدري و طلعت جري أخدت ابني من عند مامتي و طلعت جري علي بيتي غيرتله لبس المدرسه و اخدتله الغدا ياكله في السكه للدكتور .

الحمد الله وصلت في معاد معقول .. الساعة ٥

دخلت علي الممرضه و كلي انشكاح و فخر بالإنجاز اللي انا عملته . و بابتسامه عريضه ، روحت قلتلها ، لو سمحتي عايزه احجز . راحت قايلالي مفيش مشكله بس حضرتك حاله رقم ٢٣ !!! نعم ؟؟؟ ٢٣ !؟؟ إزاي دانا عملت سيرك عشان أجي بدري و في الأخر تقوليلي ٣٣ ؟ و بعدين يعني ايه ٢٣ ؟؟ هما فين ال ٢٢ اللي قبليا اصلا و بعدين هما لحقوا يجوا امتي ؟؟

طبعا انا كنت بتكلم الكلام ده بسرعة ١٠٠ كلمه في الدقيقة و الممرضه بصالي بمنتهي البرود ، و بعد مخلصت راحت قايلالي انتي هتحجزي ولا لأ عشان في وراكي ناس عايزه تحجز . ببص ورايا لقيت فعلا اتنين عايزين يحجزوا !! جم امتي دول ؟؟؟

خلاص امري لله هاحجز ، مانا مش بعد كل الاكروباتات ديه هرجع البيت من غير ما ابني يكشف عند الدكتور .أكيد صحته أهم .

بعد ماحجزت بادور علي مكان أقعد و أرتاح فيه بعد السباق اللي عملته ده ، لقيت طبعا مفيش مكان . و ده ليه بقي ؟

لأن العياده عبارة عن ٤x٤ متر و قاعد فيها لا يقل عن ١٠ بني أدمين كبار و يجي ١٠ أطفال كلهم عيانيين .

و بغض النظر ان مافيش مكان اقعد فيه ، المشكله الأكبر ان العياده مافيهاش أي تهوية خالص ، و كل الأطفال اللي قاعديين عندهم برد و بيكحوا و كلهم تعبانين . طب يعني ده لو ابني لسه مجالوش برد و انا جايه الحقه ، أكيد هيتعدي من الأطفال العيانين اللي في الأوده .

قلت خلاص أطلع أقعد بره في العربيه لحد مالدور يجي علينا . مانا أصلي لو روحت البيت لا يمكن هقدر أنزل تاني . طلعت فعلا قعدت في العربيه . ولكم ان تتخيلوا يعني ايه تحبسوا طفل مأريف ، داخل علي دور برد في عربيه و تحاولوا تقنعوه انه يستني دوره ، طبعا حاجة من سابع المستحيلات .

بعد ساعة من المناهده و الخناق و الزعيق ، قلت أدخل أشوف أنا دوري قرب و لا ايه ؟

دخلت للمرضه اللي لسه مش طايقاني برده ، سألتها لو سمحتي أنا دوري قرب. لقيتها رفعت حاجبها و بتقولي ، الدكتور لسه في حاله رقم ٦ ، يعني لسه قدامك ١٧ حالة .

طبعا انا هنجت كده للحظه من الصدمه و عملت حسبة سريعه في دماغي ، لقيت ان لو الدكتور بياخد ٦ حالات في الساعه و انا لسه فاضلي ١٧ حاله ، يبقي انا لسه قدامي حوالي ٣ ساعات عشان أدخله .

و في لحظه روحت فاتحه فيها بنفس سرعة ال ١٠٠ كلمه في الدقيقه :

١٧ حالة ازاي يعني ، أكيد في حاجة غلط ، ده علي كده انا هبات هنا في العياده عشان ادخل ، و بعدين دي حاجة غير أدميه ، يعني انتوا ازاي تتوقعوا من أطفال تعبانين يفضلوا الوقت ده كله مستنين ؟ و بعدين انا مطالب مني استني فين و مفيش مكان في العياده و حتي لو في مكان ، مفيش حتي شباك يهوي الأوده شويه ؟

راحت راده عليا بمنتهي البرود : والله الدكتور جه متأخر شويه انهارده و بعدين في حالات كتير جديده انهارده و الاستشارات قليله . و بعدين لو حضرتك عايزه تاخدي فلوسك و تيجي بكره بدري شويه تحجزي معاد تاني مفيش مشكله خالص .

طبعا انا بصتلها شذرا و ماردتش لأني في اللحظه ديه كنت مش هبقي مسؤله عن كلامي أو أفعالي و خصوصا انها عارفه انها ماسكاني من إيدي اللي بتوجعني . و قعدت اهدي نفسي اني لازم استحمل عشان ابني .

وانا واقفة ، جاتلها ست تسألها عن مكان تقدر تغير فيه لأبنها . راحت برده بصلها بقرف ( علي الأقل طلعت مش قرفانه مني انا بس ) ، و قلتلها : لأ مفيش مكان . طبعا انا أنتهزتها فرصه بقي و قلتلها : يعني ايه مفيش مكان ، يعني متوقعيين الناس تيجي مع أطفال و يقعدوا مش أقل من ٣ ساعات أنتظار و مش عارفيين حتي توفروا مكان للأمهات تغير فيه لأولادها !!! مش كفايه أصلا ان الحمام شبر في شبر و نص ، ده غير الدخول في حالته عامله ازاي أصلا.

المره دي ، مردتش عليا أصلا و سبتني أهري و أنكت في نفسي . وبدون الدخول في تفاصيل مؤلمه ، هسبكوا تتخيلوا انا قضيت ساعتين كمان ازاي لغاية لما جه دوري اني أدخل .بس كانوا الساعتين دول بيتمحوروا حولين كام جمله ابني بيقولهم بمعدل كل دقيقه :

ماما انا زهقان ، ماما انا تعبان ، ماما انا جعان ، ماما انا عطشان ، هاتي موبايلك العب بيه ، ماما انا عايز انام ، ماما انا عايز اروح الحمام ، ماما انا عايز أروح البيت .

متسألونيش انا ازاي قضيت الوقت ولا ازاي روحت ، بس اللي انا متأكده منه ان ربنا أكيد بينزل علي الأمهات صبر من عنده عشان يقدروا يستحملوا المواقف اللي زي ديه. و طول مانا مروحه في الطريق ، كل اللي بفكر فيه ان ربنا يباركلنا في صحة ولادنا و يبعدنا عن الدكاتره و العيادات و المستشفيات .

و بما اني قررت اني مش هروح الدكتور ده تاني مهما حصل فانا لسه مستمره في رحلة البحث عن دكتور مواعيده محدده و مضبوطة ، عيادته واسعة و نضيفه ، الممرضه تكون كويسه و تكون بتتعامل معانا علي اننا بشر مش ماكينات و طبعا الدكتور نفسه يكون شاطر و محترم .

 

TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0

تعليقات

shoshanamo
Skype has launched its website-dependent consumer beta towards the world,

right after introducing it broadly inside the U.S.

and You.K. previous this month. Skype for Web also

now works with Chromebook and Linux for immediate messaging conversation (no voice and video nevertheless, these need a connect-in installing).





The increase of the beta brings help for an extended selection of spoken languages to help

you strengthen that worldwide usability



my weblog; http://www.unitesdk.com/skype-recorder/talkhelper-skype-reviews
Fri, 06/23/2017 - 22:32
shereemone
Appreciate the recommendation. Will try it out.



My site gloucester damp proofing companies ,
Mon, 03/12/2018 - 23:42
tonitramme
Can I simply just say what a relif tto uncover

an individual who genuinely understands

what they are discussing on the internet. You certainly understand how to bring an issue to

light and make it important. More people have to check this ouut and understand this side of the story.

I was surprised you aren't more popular since

you certainly hzve the gift.



Feel free to surf to my site ... Randall Standage; Anne,
Sun, 07/29/2018 - 19:53