تابعونا أيضاً Facebook Instagram

مين قال الستات مابتعرفش تسوق ؟

Image: 
Body: 

 أنواع من الستات اللي ممكن تلاقيهم في شوارع مصر

 

1- الست ال slow motion

الأم ديه تلاقيها لازقة في الدريكسيون و ماشية بسرعة السلحفاه و تلاقيها مركزه تركيز عجيب في الطريق ولا كأنها بتخترع الذرة . و طبعا مايفوتهاش و هي بالسرعة ديه انها تبقي واخدة شمال الطريق. تحاولي بقي تكلكسيلها او تديها نور انشالله طلعتي إيدك و خبطتي علي عربيتها ، هي ولا هيا هنا . هيا بتبقي في ملكوت تاني .

و غالبا بتلاقيها بقي بتتلبخ و تقع في شبر ميه لو حصل اي حاجة في الطريق. يعني مثلآ لو الطريق ضاق فجأة و مطلوب منها انها تعدي بالعربيه في حته ضيقة ، تلاقيها برقت و ضربت لخمة . و تلاقي الشارع كله واقف و كذا واحد عمال بيساعدها و بيشاورلها عشان يعديها .

عزيزي الرجل ، انا عارفة شعورك كويس اوي لما حظك يوقعك في ست زي ديه سايقة قدامك لكن قبل ماتتريق عليها و تعدي من جمبها تشوحلها و تزعقلها، فكر انها ممكن يكون جوزهامسافر بره و سايبها لواحدها مع الولاد . و هي في الأصل بتكره السواقة بس اضطرت انها تنزل تسوق عشان توصل أولادها مشاورهم . و كل مرة بتسوق العربيه بتبقي فعلا خايفه و مرعوبة و انها اصلا بتبذل مجهود نفسي خرافي كل مره بتضطر انها تركب العربيه . فواحده واحده عليها

 .

2- الست المتعصبة

ممكن تبقي سايق عادي تلاقي صوت ست جهوري جنبك ،تبص تلاقي ست عمالة تزعق لولادها بطريقة هستيرية ، و طبعا العصبية دية بتبان في طريقة السواقة ، فتلاقيها بقي عماله تكلكس و تتخانق مع دبان وشها. و يا ويلك بقي لو وقفت في طريقها ، أكيد هينوبك من الحب جانب و تسمعلك كلمتين مالهمش لازمة .لأنها ساعتها بتبقي مستبيعة و مش فارق معاها حد .
عزيزي الرجل ، أنا عارفه ان نوعية الستات ديه بيعصبوك جدا بس ممكن تبقي الست ديه جوزها خالع ايده من كل حاجة و هي اللي مسؤوله تودي و تجيب من تماريين و دروس و ممكن تلاقيها اصلا بتشتغل فبالتالي هي علطول متأخرة علي مواعيدها . فطبيعي من كمية الضغط اللي هي بتتحط فيه كل يوم انها تتحول في السواقة بالمنظر ده . فواحدة واحده عليها

 

3- الست المتهورة

و ديه الست اللي قلبها جامد و تلاقيها عامله زي العربة الطائشة و عماله تاخد غرز و تخمس بالعربيه بتاعتها . ولو لحقت تلمح عربيتها و هي معديه من جنبك من كتر السرعة ، هتلاقي ولادها قاعدين في الكنبه اللي ورا و متمسمريين في مكانهم و مبرقيين من كتر الرعب .

عزيزي الرجل ،انا عارفة ان الست ديه ممكن تكون بتستفزك بطريقة سواقتها و كتير من الأوقات بتبقي عايز تدخل معاها سباق عشان تبينلها انها مش بتعرف تسوق . بس فكر انها ممكن حياتها تبقي ممله جدا و رتيبة و ان حبة الوقت اللي بتسوق بيهم بالطريقة ديه هي الحاجة المثيره الوحيده في حياتها . فواحده واحده عليها

 

4- الست ال cool

تلاقيها مرجعه الكرسي لورا و ماسكة الدريكسيون بإيد واحدة وتلاقيها فاتحة كل شبابيك العربيه ، و مشغلة الكاسيت علي أعلي حاجة و بتسوق بروقان شديد . أما الولاد فتلاقي كل واحد منهم مدلدل من شباك و عمالين يغنوا مع الموسيقي و هي و لا هي هنا و لا حاسه بيهم .

عزيزي الراجل، الست ديه ممكن تبان انها غير مسؤوله بس ممكن يكون جوزها منكد عليها عشيتها او عملها حواجز كتير ، فالحبة اللي هي بتقعدهم في العربيه هما دول الحبه اللي ممكن تفك شويه من الحواجز ديه . فبلاش نظرات القرف اللي بتعد تديهلها و واحده واحده عليها

 

5- الست المتمكنة

و دي بقي الست اللي بتسوق كما يقول الكتاب. و تلاقيها بتعرف تركن زي اجدعها سواق و بإيد واحده كمان . و عادي ممكن تلاقيها ماشيه بسرعة في اي طريق بس متحكمة جدا في العربيه . و هتلاقيها ملتزمة جدا بقواعد المرور و هي و ولادها رابطيين حزام الأمان .

عزيزي الرجل ، انا عارفة ان الست ديه ممكن تكون بتدهشك عشان انت متخيل ان كل الستات مش بتعرف تسوق ، فهي بتضربلك النظريه ديه في مقتل ، و غالبا ممكن تفضل مركز معاها اوي و بتتمني من جواك انها تعمل اي غلطه عشان متدمرش اسطورة الستات و السواقة . بس للأسف الأسطوره هتتحطم لأن فعلا في نسبه لا بأس بيها من الستات بيعرفوا يسوقوا و كويس كمان

 

6- الست اللي مش بتعرف تسوق

وديه بتبان اوي يأما و هي بتركن العربية او لو طالعه مطلع كوبري او جراچ و عربيتها مانيوال . و ده نموذج الستات اللي مطلعين علنا سمعة اننا مش بنعرف نسوق . و صراحة دول مش هعرف الاقيلهم عذر .
عزيزتي الست ، لو سمحتي قدري شعور الرجاله و الستات اللي سايقين في الشارع جمبك و وراكي ومتسوقيش غير وانتي فعلا متمكمة و عارفة تسوقي عشان متطلعيش علي الستات سمعة . و واحده واحده علي الرجاله

 

TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0

تعليقات

vernonflin
Skype has launched its internet-based consumer beta for the entire world, after establishing it extensively within the U.S.

and You.K. previously this calendar month. Skype for Web

also now facilitates Chromebook and Linux for instant messaging interaction (no voice and video yet, individuals demand a connect-in installment).





The increase of the beta brings assistance for a longer set of different languages to aid

bolster that overseas usability



my weblog: http://foodandfashion.over-blog.com/2015/11/why-a-skype-recorder-is-critical-for-a-successful-interview.html
Sat, 06/24/2017 - 01:33