تابعونا أيضاً Facebook Instagram

جدول اللانش بوكس - الأسبوع رقم 1

Image: 

إعداد : سميحة حسين

خلونا نتفق إن تحضير اللنش بوكس (حقيبة الطعام)  يوميا  هي من أكثر  المهام التي تؤرق أي أم ،عشان كدة ماما في الشغل هتعملكوا جدول أسيوعي للانش بوكس صحي و متوازن .

بس قبل الجدول , لازم نتفق على نقاط أساسية :

١- إستخدام العيش البلدي أو الدقيق ذات الحب الكلمل بدلا من العيش الفينو أو العيش الشامي لأنه مفيد أكتر و الجسم بيمتصة في وقت أكتر فيعطي احساس بالشبع لوقت أطول .

2 - ممنوع العصير المعلب لأنة بيحتوي علي نسبة سكريات و ألوان صناعية عتاية. و يجب أن نستبدله باللبن  أو العصائر المعدة في البيت. في فترة الصيف نكتفي بماء لحد ما الجو يكون أحسن .

٣- هتكون حاجة ظريفة لما نقعد مع أولادنا و نسألهم نفسهم في أكل إيه يأخذوه معاهم المدرسة ، و نحاول نفهمهم البدائل الصحية لأختيارتهم. و كمان المشرا كه دي فعاله و مهمة ،لأنهم هيحسو ا  قد إيه أن كلامهم ذات قيمة .

٤-  يفضل  قبل  نزول أولادنا الي المدرسة ناكل  أو نشرب حاجة سوا مع بعض كلنا .ممكن حاجة بسيطة مثل موزة و كوب لبن أو تمر بالبن (نغلي البن مع تمر  بدون  سكر) ..

٥  - أخر حاجة هو الإهتمام بالألوان ؛يجب أن تكون علبة الطعام فيها ألوان كتيرة لذيادة القيمة الغذائية و الفيتامينات .

 

هنقصم الأكل إلى ٧  مجموعات أساسية, كل يوم علبة الطعام لازم تحتوي على كل ده ؛

١-الفواكه 

2 - الخضروات

٣- الألبان و الأجبان

٤- البروتين (حيواني  أو نبأتي)

٥ - الحبوب الكاملة (خبز ،شوفان..)

٦ - الماء

٧ - أصناف منوعه (مكسرات ، فواكه مجففه ،كوكيز ،بسكوت حادق أو حلو )

 

المرة دي هنحضر أفكار سهلا و بسيطة , هتلاقوا الجدول مقسم الي الأقسام المختلفة دية . قسم الحبوب الكاملة و البروتين هما السندوتشات اليومية . أي صنف بجواره علامة النجمة (*) , هتلاقي الوصفة بتاعتة تحت الجدول .

 

 

الوصفات :

*وصفة الجبنة الخضره: لبنه  أو أي نوع جبنه نخلط معاها بقدونس و كزبرة و شبت في الكبة . ملح  و فلفل حسب الرغبه. 

*وصفة الحمص بالطحينة :نخلط الحمص و الطحينة في الكبة مع قليل من الزيت ،  ملح  و فلفل  و ليمون .

*وصفة زبدة الفول السوداني : ربع كيلو فول سوداني محمص غير مملح ؛مع زيت نبأتي ،رشة ملح و عسل أبيض حسب الرغبة .نحط كل ده في الكبة حتى نصل إلى القوام المناسب .

*وصفة الجبنة   الحمرا ء   : لبنه  أو أي نوع جبنه نخلط معاها   فلفل أحمر   في الكبة . ملح  و فلفل حسب الرغبه. 

*وصفة كرات التمر:نجيب أي نوع تمر و نضربة في الكبة أو ممكن عجوة و نشكلها على شكل كرة و بعد  كدة ممكن نغطيها بجوز الهند  أو لوز مطحون

*كرات  البطاطا :نشوي البطاطا في  الفرن ،نقشرها ثم تعجن و نشكلها على شكل كرة و بعد  كدة ممكن نغطيها ب جوز الهند  أو لوز مطحون.

 

نقاط هامة :

- يمكن عصر ليمون على التفاح لو قطعناه علشانلونه  مايسودش .

- لوضع كذا نوع في حقيبة الطعام يمكن أستخدم القوالب السيليكون الصغيرة و نضع فيها كل صنف .

 

TagLabel: 

لقرأة مواضيع مشابهة, الرجاء الضغط علي احدي هذه الكلمات

Dislike
0